ԻՆՉՊԵՍ ԴԱՌՆԱԼ ՀԱՐՈՒՍՏ

Հաջողության հասնելու 16 հասարակ կանոններ

QNET — Mon, 13 Feb 2017 15:43:07 GMT

Բոլորս էլ ձգտում ենք երջանկության,հարմարավետության ու հաջողության: Ոմանց մոտ ստացվում է,ոմանց մոտ էլ ոչ: Ահա կյանքի 16 կանոնները,որոնք կօգնեն Ձեզ մոտենալ «Հաջողությանն» ու «Մասնագիտական Վերելքին»:

1. Պետք է միշտ շարժվել առաջ՝ ինչ էլ որ լինի:

2. Հարկավոր է քիչ ժամանակ տրամադրել հեռուստացույց նայելուն ու համակարգչին:

3.Եթե ինչ-որ նոր գաղափար է առաջանում ՝ անհապաղ գրանցեք այն ինչ-որ տեղ:

4.Եթե ուշանում եք որևէ հանդիպումից ՝անպայման զգուշացրեք Ձեզ սպասողին:

5.Երբեք մի խնդացեք ուրիշների երազանքների վրա:

6.Մի վերադարձեք Ձեզ դավաճանած մարդկանց մոտ՝ նրանք չեն փոխվում:

7. Ձեր ծնողների հետ շատ ժամանակ անցկացրեք, քանի որ նրանց խորհուրդները անգնահատելի են:

8. Քաղաքավարությունը միշտ էլ գնահատվել է,հետևե՛ք կանոններին:

9. Ընդունեք Ձեր սխալները:

10. Բողոքելու սովորությանը վերջ տվեք,ոչ ոքի չեն հետաքրքրում ուրիշների խնդիրները:

11. Հեռու մնացեք բամբասանքներից

12. Դժվար իրավիճակներում միշտ կարևոր է գիտակցել,որ կարող եք հաղթահարել այն :

13. Վեճերի ժամանակ մի վիրավորեք դիմացինին,քանի որ վիրավորանքը միշտ հիշվում է:

14.Միշտ ճիշտ խոսեք և այդ ժամանակ կարիք չի լինի որևէ բան հիշելու:

15. Օրվա առաջին կեսին արեք Ձեզ սպասվող ամենադժվար գործը,որպեսզի մնացած ժամերին չմտածեք այդ ուղղությամբ:

16. Ոչ ոք ,ոչ մեկին ինչ-որ բան «պարտավոր» չէ: Մոռացե՛ք «պարտավոր» բառը,հանե՛ք այն Ձեր բառապաշարից,որպեսզի խուսափեք և՛ հոգևոր,և՛ ֆիզիկական հոգսերից ու պարտքերից:

Պյութագորաս. Կյանքի գաղտնիքներ...

Hajoxak — Mon, 12 Sep 2016 08:02:08 GMT

1.Առավոտյան արթնանալիս հարցրու ինքդ քեզ՝ ի՞նչ պետք է անեմ, իսկ գիշերը քնելիս՝ ի՞նչ արեցի:
2.Խնայեք ձեր երեխաների արցունքները, դրանք պետք կգան ձեր գերեզմանին:
3.Առանց մեծ բաներ խոստանալու, մեծ գործեր արա:
4.Կատակը, ինչպես աղը, պետք է չափավոր օգտագործել:
5.Կյանքը նման է մղձավանջի, որտեղ ամենահիմար մարդիկ երբեմն գրավում են լավագույն տեղերը:
6.Մարդը, իր կրքերի գերին լինելով, ազատ լինել չի կարող:
7.Երջանիկ ապրելու գաղտնիքը միմիայն ներկայով ապրելու մեջ է:
8.Եթե ուզում եք երկար ապրել, ձեռք բերեք հին գինի եւ հին ընկեր:
9.Ամեն ինչ զննիր, տուր մտքին առաջին տեղը: Զայրույթի պահին ոչ խոսիր, ոչ գործիր:
10.Երկու բան այս կյանքում մարդուն աստվածակերպ են դարձնում՝ ապրել հանուն հասարակության բարօրության եւ ճշմարտության:
11.Սկիզբն ամբողջի կեսն է:
12.Քանդակին տեսքն է գեղեցկացնում, մարդուն` իր արարքները:
13.Ավելի լավ է քար նետել, քան դատարկ բառ:
14.Քեզ համար ընկեր ընտրիր:
15.Դու չես կարող միայնակ երջանիկ լինել:
16.Երջանկությունը երկուսինն է:
17.Նա, ով կենդանի է սպանում, որպեսզի ուտի միսը, հանգիստ կարող է նաեւ իր նմանին սպանել:
18.Որքան էլ կարճ լինեն «այո» եւ «ոչ» բառերը, դրանք ամենաերկար մտածելու առիթ են տալիս:
19.Լռիր կամ լռությունից լավ բան ասա:
20.Նմանապես վտանգավոր է խելագարին թուր եւ անպատիվ մարդուն իշխանություն տալը:

Առակ. «Ընտրությունը քոնն է»

Hajoxak — Tue, 12 Jul 2016 18:31:59 GMT

Երևի չկա այնպիսի մարդ, ում երբևէ նեղացրած, վիրավորած չլինեն։ Եվ մարդիկ բաժանվում եմ երկու տեսակի՝ ոմանք շատ արագ մոռանում են վիրավորանքները, իսկ մյուսները կարող են տարիներով պահել այդ նեգատիվը իրենց մեջ՝ գլխում անընդհատ պտտելով անցյալը։ Լինել հասուն՝ նշանակում է ինքներս մեր ռեակցիայի և զգացմունքների համար պատասխանատվություն կրել։ Ամեն մեկս ունենք ընտրության հնարավորություն։ Եվ եթե Դուք որոշել եք ներել Ձեզ վիրավորողներին, կարդացեք այս առակը։

– Ինչո՞ւ ես բարկանում և նեղանում։ Ավելի լավ չէ՞ հանգստանալ և ներել, – հարցրեց ուսուցիչը իր աշակերտին։

– Իսկ ինչո՞ւ պետք է նրան լավություն անեմ և ներեմ, չէ՞ որ նա…, – ուզում էր արդարանալ աշակերտը։

– Կներես, որ ընդհատում եմ, -ասաց ուսուցիչը, – թույլ տուր երկու հարց տալ քեզ, և այդ ժամանակ ես կպատասխանեմ քո բոլոր «ինչպեսներին» և «ինչուներին»։

Աշակերտը համաձայնվեց։

– Դու քեզ լա՞վ ես զգում, երբ բարկանում ես կամ նեղանում, – հարցրեց ուսուցիչը։

– Իհարկե ոչ, – պատասխանեց աշակերտը։

– Այդ դեպքում ո՞ւմ ես դու լավություն անում, երբ շնորհիվ քո ներողամտության և հանգստության այնպես ես անում, որ ինքդ քեզ ավելի լավ լինի։

Աշակերտը ուզում էր ինչ-որ բան ասել, բայց բացելով բերանը՝ այդպես էլ ոչ մի բառ չկարողացավ արտաբերել։ Նա կանգնած էր՝ աչքերը հառած գետնին։

– Հիշի՛ր, քեզնից է կախված, թե ինչ ես ընտրում՝ վիրավորա՞նք, թե՞ ներում, տառապա՞նք, թե՞ երջանկություն։ Ընտրությունը քոնն է, – ասաց ուսուցիչը։

– Բայց ասեք խնդրեմ, ինչպե՞ս կարելի է չվիրավորվել, չնեղանալ, չէ՞ որ դա այնքան դժվար է։

– Դու ամենակարևորը հասկացիր, որ երբ դու ցանկանում ես հարվածել ինչ-որ մեկին դատապարտելու, վիրավորանքի ճիպոտով, խփելու համար ճիպոտը բարձրացնելիս, առաջինը ում կհարվածես՝ կլինես հենց դու։

Ի՞նչն է օգնում հարստանալուն

Hajoxak — Fri, 15 Jan 2016 20:06:28 GMT

Հավանաբար այս հարցն ինքն իրեն ուղղել է մեզնից յուրաքանչյուրը, հատկապես այն ժամանակ, երբ փողը չի բավականացրել գնելու անհրաժեշտ կամ ցանկալի իրը: Բայց ոչ բոլորն են գտել պատասխանը այս, կարծես, հռետորական հարցի:

Սկզբի համար նախ անհրաժեշտ է ընդհանուր գծերով հասկանալ, թե ինչ եք պատկերացնում «լինել հարուստ» արտահայտության տակ: Ինչու է անհրաժեշտ այդ սահմանումից սկսելը… որովհետև ձեր պատկերացման հստակությունից է կախված ձեր ռազմավարական դիրքորոշումը: Ոմանք ցանկանում են իրենց աշխատավարձը բարձացնել մինչև 300 – 500 դոլարի, մյուսները` հիշատակվել աշխարհի ամենահարուստ մարդկանց ցանկում, Բիլ Գեյթսի կողքին: Իսկ հարցը` «Ինչպես դառնալ հարուստ», հավասարապես վճռորոշ է թե առաջինների, թե երկրորդների համար:

Նախապայմաններ, որոնք օգնում են հարստանալ

Դուք պետք է հասկանաք, որ խելացի, վճռական և աշխատասեր մարդ լինելը երբեմն բավարար չէ մեծ գումարներ աշխատելու համար: Բացի դա, դուք պետք է լինեք նաև հաջողակ, ակտիվ, ծանրակշիռ, նպատակասլաց, ինքնատիրապետող և, ինչու չէ, հավակնոտ: Ձեզ պետք կգան նաև ռիսկի գնալու, փորձարկելու, անդադար գործելու, բառի լավ իմաստով` ավանտյուրիստ լինելու հմտությունները: Ձեզ պետք է առաջ մղի հարստանալու և այդ հարստությունը պահպանել կարողանալու ձգտումը:

Միտքն ամեն ինչի հիմքն է

Միտքը, այն հիմքն է, որին հենվելով մենք առաջ ենք գնում դեպի հետագա զարգացում և բարեկեցության մակարդակի բարձրացում: Եթե դուք «հեղինակն» եք ձեր մտքի, մտահղացման, ապա բացառված չէ, որ այն արդյունավետ կերպով կյանքի կոչվի: Առաջին հերթին պետք է գիտակցեք, որ կարող եք նոր ինչ-որ բան ստեղծել կամ արդիականացնել արդեն գոյություն ունեցողը, ինչը կմեծացնի ձեր եկամուտները: Սակայն պետք է մտածեք ոչ այնքան ԻՆՉՊԵՍ անելու մասին, որքան վերլուծեք գաղափարը արդիական և «աշխատող» լինելու տեսակետից:

Հաճախ կարելի է լսել, որ զբաղվելով «սեփական» գործով` կարելի է հիանալի կարիերա ապահովել և դառնալ հարուստ: Դա իսկապես այդպես է, բայց այդքան հեշտ չէ, որքան թվում է առաջին հայացքից, քանի որ «առավելագու’յնս ՔՈ, քեզ համապատասխան գործը» գտնելը հեշտ խնդիր չէ: Խորհուրդ է տրվում շատ խիստ, նույնիսկ թերահավատորեն մոտենալ սեփական գործ բացելու այն գաղափարին, որը ձեզ ամենասրտամոտն է թվում: «Թերահավատորեն մոտենալ» ասելով` նկատի է առնվում ինքն իրեն լսելը, սեփական կյանքը գրեթե մանկությունից սկսած վերլուծելը… հատկապես կարևոր է արձանագրած հաջողությունների բնույթը, շարժառիթները հասկանալը: Եթե այն, ինչով ցանկանում եք զբաղվել և այն, ինչ մինչև այսօր փաստացի հաջողվել է ձեզ, ունեն ընդհանուր եզրեր, ուրեմն` արժի փորձել ձեր ուժերը նոր գործում:

Անկասկած, դուք ձեր պոտենցիալը կարող եք բացահայտել այն գործունեության մեջ, որն ընտրել եք հոգով, ներքին մղումով: Իսկ եթե տիրապետում եք գործի հիմունքներին, կարողանում եք հասկանալ սկսած բիզնեսի ուղնուծուծը և գիտակցել բուն մեխը, ապա շատ ավելի հեշտ կլինի գաղափարի իրացումը, ինչն էլ ժամանակի հետ կմոտեցնի ձեր ցանկալի նպատակին` դառնալ հարուստ:

Շփվեք հաջողած մարդկանց հետ

Խորհուրդ է տրվում ավելի շատ ժամանակ անցկացնել այն մարդկանց հետ, ովքեր ձեր կարծիքով օժտված են հարստություն ձեռք բերելու տաղանդով: Նրանց մեջ կարող են լինել և գործընկերները, և ինչ-որ մեկը ձեր ծանոթ - բարեկամների շրջապատից: Եթե, ըստ ձեզ, նրանք կարողացել են ինքնուրույն հասնել ինչ-որ բանի և ունեն ֆինանսական հաջողությունների փորձ, ապա «հետազոտական» շփումը նրանց հետ ձեզ ինքնավստահություն և ներշնչանք կհաղորդի:

Ընդ որում շփում ասելով այս դեպքում չի խոսվում այլ մարդու` հաջողության հասնելու մեթոդները դասախոսոթյան պես յուրացնելու մասին. դուք կարող եք ընդհանրապես չխոսել բիզնեսից: Մարդկային պարզ հաղորդակցությունը, ընկերական հարաբերություններ ստեղծելը, որևէ հարցով կամ խնդրանքով նրանց դիմելու հնարավորությունը ավելի օգտակար է, քան մեկանգամյա հանդիպումը` ֆինանսաբեր գաղափար «կորզելու» համար: Շփումը հաջողած մարդկանց հետ իրականացվում է նաև համապատասխան գրականություն կարդալու միջոցով: Հիմա բազմաթիվ հեղինակներ կան, ովքեր «սովորեցնում են» ժամանակն արդյունավետ տնօրինել, առաջարկում են առանց նախնական կապիտալի սեփական բիզնես սկսելու տարբերակներ: Մի շարք փորձված տեխնոլոգիաներ կարելի է կիրառել ձեր գործի մեջ` առանց ամեն անգամ հեծանիվ հայտնաբերելու:

Մի՛ խուսափեք դժվարություններից

Եթե կանգնած եք ընտրության առջև, միշտ ընտրեք ավելի բարդ որոշումը: Դա կսովորեցնի ներքին ուժեր գտնել, հմտանալ ինքնակազմակերպման մեջ, կտա կարողություն ձեր և ձեր գործի համար ճիշտ շեշտադրումներ կատարել: Երբ երկու ճանապարհ կա, մենք հաճախ ընտրում են հեշտը` ծուլությունից ելնելով, իսկ ավելի ուշ ապրում հիասթափություն անբավարար արդյունքների համար: Նույնիսկ առօրյա կյանքում, օրինակ, մեքենավարման դասընթացի և ձկնորսության միջև ընտրություն կատարելիս` ընտրեք դասընթացները: Ձեռք բերեք ամենատարբեր ունակություններ: Բայց հանգստի համար ևս ժամանակ գտեք` չփոխարինելով մեկը մյուսով:

Գործելու ձեր սեփական «ձեռագիրը»

Հարստանալը, կապիտալ ձեռք բերելն ու հաջող բիզնես ունենալը գործելու որոշակի կերպի արդյունք է: Գործողությունները մանրակրկիտ մշակված ու նպատակադրված էին, թե պատահական էին, բայց արդյունավետ դուրս եկան` եկամտաբերության հարցում էական չէ: Հստակ է մի բան. եթե մարդը չի գործում, որքան էլ ընդունակ ու աշխատասեր լինի, չի հարստանա:

Ավելին` որոշակիորեն գործելու մարտավարությունը պայմանավորված չէ բացառապես տաղանդի առկայությամբ կամ առանձնահատուկ կարողություններով: Բազմաթիվ տաղանդավոր մարդիկ այդպես էլ չեն կարողանում հարստանալ, մինչդեռ ավելի քիչ օժտվածները մեծ կարողություն են ձեռք բերում: Հարստության ձեռք բերումը խիստ որոշակի, հստակ գործելակերպ ունենալու, գործերի վարման սեփական ձեռագիրը մտցնելու արդյունք է: Կարևոր է ձևավորել ձեր ուրույն գործելակերպը, որը կօգնի հասնել դրված նպատակներին և իրականացնել երազանքը:

Եվ հիշե'ք, որ հարստությունը խնայողության և ժլատության արդյունք չէ: Խնայող մարդիկ շատ հաճախ չունևոր են մնում, մինչ շատերը, ովքեր վատնում են առանց հաշվելու, հիշատակվում են հարուստների ցանկում` թեկուզև ոչ Բիլ Գեյթսի կողքին:

Բոլոր հարստանալ ցանկացողներին մաղթում ենք մտահղացումների հաջող իրագործում` հույսով, որ այն ձեզ ավելի կերջանկացնի:

15 հետաքրքիր փաստեր բիզնեսի մասին

Hajoxak — Fri, 30 Oct 2015 19:38:20 GMT

Բիզնեսը գործարարին կարող է նույնքան հաճույք պատճառել, որքան նկարելը նկարչին կամ երգելը երգչին: Դրանում ավելի ես համոզվում, երբ կարդում ես հետաքրքիր փաստեր բիզնեսի մասին, որոնք մտքովդ անգամ կարող է չանցնեին: Ձեզ եմ ներկայացնում 15 հետաքրքիր փաստեր բիզնեսի մասին, որոնք հանդիպեցի ռուսական բլոգներից մեկում: Դրանք ոչ միայն հետաքրքիր են, այլ նաև օգտակար ու կիրառելի: Շատ նոր բաներ կարող եք սովորել և շատ բաների մասին կարող եք պատկերացում կազմել:

1. Վիճակագրական տվյալների համաձայն՝ նորաբաց ռեստորանների 90%-ը փակվում է նույն տարում:

2. Երեքշաբթի օրը՝ աշխատանքային շաբաթվա ամենաարդյունավետ օրն է:

3. Մոտ 33 նոր ապրանքներ են հայտնվում յուրաքանչյուր օր աշխարհում, որոնցից 13-ը՝ խաղալիքներ:

4. Ամեն օր աշխարհում մոտ 65 մարդ դառնում է միլիոնատեր:

5. Սուրճը համարվում է երկրորդ ամենավաճառվող ապրանքն աշխարհում՝ բենզինից հետո:

6. Աշխարհի խաղալիքների մոտ 80%-ը արտադրված է Չինաստանում:

7. «McDonalds» ընկերության հիմնական եկամուտը գալիս է ըմպելիքները, ընդ որում՝ անկախ երկրից:

8. Խանութներում մանկական ապրանքները տեղադրվում են գետնին որքան հնարավոր է մոտ, որպեսզի երեխաները նկատեն դրանք:

9. Միլիոնատերերի մոտ 20%-ը երբեք չի սովորել համալսարանում:

10. «American Airlines» ընկերությանը հաջողվեց խնայել մոտ 40 հազար դոլար՝ ընդամենը հեռացնելով զեյթունի մեկ հատիկ բիզնես դասի ուղևորներին տրվող սալաթներից:

11. Խանութներում հաճելի հոտերի մեծ մասն արհեստական են: Դրանց նպատակը հաճախորդներին գնման դրդելն է: Այս մեթոդը հատկապես արդյունավետ է աշխատում սոված հաճախորդների համար:

12. Արագ սննդի հաստատություններում հաճախ միացնում են արագ երաժշտություն, քանի որ նման երաժշտության տակ հաճախորդներն ավելի արագ են վերջացնում իրենց ուտելիքը, հետևաբար՝ ավելի արագ է տեղ ազատվում մյուս հաճախորդների համար:

13. «Google»-ի հիմնադիրներ Լարի Փեյջն ու Սերգեյ Բրինը ցանկություն ունեին 1998թ-ին վաճառել «Google»-ը «Yahoo»-ին 1 միլիարդ դոլարով, բայց «Yahoo»-ն հրաժարվեց գործարքից: 7 տարի անց, 2005թ-ին, «Google»-ն արժեր արդեն 80 միլիարդ դոլար, իսկ ընկերության տարեկան եկամուտը կազմում էր 1,5 միլիարդ դոլար:

14. Գովազդային ծառայությունների շուկայի տարեկան շրջանառությունը կես տրիլիոն դոլար է: Համեմատության համար՝ ծխախոտի շուկայի տարեկան շրջանառությունն աշխարհում կազմում է 400 միլիարդ դոլար, որը 100 միլիարդ դոլարով պակաս է:

15. 20-րդ դարում ռուս գործարար Նիկոլայ Շուստովը որոշել էր առաջխաղացնել իր նոր կոնյակը մոսկովյան ռեստորաններում: Դրա համար նա վարձել էր երիտասարդների մի խումբ, որոնք գնում էին ռեստորաններով և պահանջում էին «Շուստովյան կոնյակ», որտեղ, իհարկե, նրանք այն չէին ստանում: Նման «կեղծ հաճախորդներն» աղմուկ էին բարձրացնում և հայտնում իրենց դժգոհությունը: Նման մարքեթինգային քայլի շնորհիվ մոսկովյան ռեստորանատերերն իմացան նոր կոնյակի մասին և սկսեցին գնել այն ստեղծարար գործարարից:

ՇԱՏ ՀԵՏԱՔՐՔԻՐ ՊԱՏՄՈՒԹՅՈՒՆ Է...

Hajoxak — Wed, 28 Oct 2015 17:50:36 GMT

Մի ձեռնարկատեր մինչև ականջները խրված էր պարտքերի մեջ: Վարկերը չէր կարողանում փակվել, մատակարարներն անընդհատ անհանգստացնում էին: Նա անհույս վիճակում նստած էր այգում, գլուխն առել էր ձեռքերի մեջ ու մտածում էր, թե ինչպես կարելի է խուսափել սնանկացումից:

Հանկարծ նրա առջև հայտնվում է մի ծերուկ և ասում.
_Տեսնում եմ, որ Ձեզ ինչ-որ բան մտահոգում է: Կարծում եմ Ձեզ կարող եմ օգնել:
Այնուհետև ծերուկը հարցնում է գործարարի անունն ու նրա անունով մի հատ չեք է ներկայացնում՝ ասելով.
_Վերցրեք այս գումարը, ուղիղ մի տարի հետո կհանդիպենք այս վայրում և Դուք ինձ պարտքս ետ կվերադարձնեք:

Հետո ծերուկը ետ պտտվեց ու արագ քայլերով անհայտացավ ծառերի ետևում: Ձեռնարկատերը վերցւոմ է չեքն ու տեսնում, որ այնտեղ գրված է 500,000 դոլար գումարի մասին տեղեկություն և ստորագրված Ջոն Ռոքֆելլեր անունով: Նշեմ, որ այդ տարիներին Ռոքֆելլերն աշխարհի ամենահարուստ մարդն էր:
Փաստորեն այս գումարով ես կարող եմ բոլոր խնդիրներս լուծել, մտածեց գործարարն ու որոշեց, գումարը պահել պահարանում: Միայն այն միտքը, որ այդքան գումար ուներ իր թիկունքում, արդեն նրան մեծ ուժ ու հույս տվեց նոր ուղղությամբ զարգացնել իր բիզնեսը:

Նա կրկին մեծ էներգիայով նվիրվում է իր գործին և իրականացնում մի շարք եկամտաբեր գործարքներ: Նա կարողանում է ավելացնել վաճառքի ծավալները և 5 ամսում փակում է բոլոր պարտքերը: Սկսվում է եկամտաբերության շրջանը:
Ուղիղ մեկ տարի հետո նա պահարանից հանում է չեքն ու գնում է այգի, որպեսզի ետ վերադարձնի իր պարտքը: Քիչ հետո հայտնվում է ծերուկը: Եվ այն պահին, երբ գործարարը ցանկանում է նրան վերադարձնել չեքը, մի բուժքույր բռնում է ծերուկի ձեռքից ու բղավում.

_Վերջապես բռնեցի քեզ: Ներեղություն պարոն, այս ծերունին միգուցե Ձեզ նույնպես անհանգստացրե՞լ է: Նա միշտ փախչում է և բոլորին ասում, որ Ջոն Ռոքֆելլերն է:

Զարմացած գործարարը նայում էր բուժքրոջն ու մտածում, որ ամբողջ տարին նա բիզնեսն է զարգացրել՝ առանց իմանալու, որ իր ձեռքին անիմաստ թու՞ղթ էր: հանկարծ նա հասկացավ, որ այդ փողը չէր նրա կյանքը փոխել, այլ նրա վստահությունն իր ուժերի նկատմամբ:

Եթե ուզում եք հաղթել խաղը, ապա խաղացեք Ձեր կանոններով և ամենակարևոր պահին ինքնավստահությունն իր գործը կանի: Հավատանք մեր ուժերին:

Եթե հավանեցիք, կիսվե՛ք Ձեր ընկերների հետ :

Ամեն բան լավ է լինելու

Hajoxak — Sun, 18 Oct 2015 14:16:20 GMT

Ինչպես դաստիարակել լավատեսի

Hajoxak — Sun, 18 Oct 2015 13:03:00 GMT

Լավատես չեն ծնվում, այլ դառնում են: Ապացուցվել է, որ նրանք ավելի երկար են ապրում, քանի որ լավատեսորեն են վերաբերվում կյանքին, գիտեն, որ ապագայում ամեն ինչ լավ կլինի և խնդիրները ընդամենը ժանակավոր երևույթ են և դրանք ունեն լուծումներ: Կան մի քանի հուշումներ, թե ինչպես դարձնել երեխային լավատես:
1. Ծնողները պեռք է լավատեսորեն վերաբերվեն կյանքին
Երեխաները շատ զգայուն են մայրիկի հոգեկան վիճակին, եթե դուք ուրախ եք, ապա երեխան նույնպես ուրախ կլինի, եթե ոչ, ապա ձեր բալիկն էլ կտխրի:
2. Ուրախանալ մանրուքներին
Պետք է կազմակերպել նույնիսկ փոքրիկ անակնկալներ բալիկի համար:
3. Հաճախ երազել երեխայի հետ միասին
Երեխան ավելի հանգիստ կդառնա, երբ իմանա ապագայի մասին:
4. Փորձել չօգտագործել «երբեք» և «միշտ» բառերը
Այդքան կատեգորիկ չլինեք:
5. Պետք է ունենալ կյանքի նշանաբան
Նշանաբան ընտրելիս համոզվեք, որ այն դրական է:
6. Սովորեցնել երեխային չվախենալ սխալներից
Այդ ժամանակ երեխայի հավատը կբարձրանա:
7. Ցույց տալ երեխային ինչ հիանալի է կյանքը
8. Ունենալ հումորի զգացում

Քըրք Քըրքորյան (Գրիգոր Գրիգորյան)

QNET — Sun, 18 Oct 2015 12:49:37 GMT

Քըրք Քըրքորյան (Գրիգոր Գրիգորյան). ծնվել է 1917 թ. հունիսին Ֆրեզնոյում։ Եղեռնը վերապրած Լիլի և Ահարոն Գրիգորյանների չորրորդ երեխան էր։ Մանուկ հասակից Քըրքը մտապահեց այն տպավորությունը, որ եթե մարդն աղքատ է, նա ցածր դասին է պատկանում, ու ոչ ոք նրանով չի հետաքրքրվում։

Փող աշխատելու ձգտումն այնքան մեծ էր, որ արդեն 9 տարեկանից Քըրքը դասերից բացակայում էր՝ թերթ վաճառելու համար, իսկ երեկոյան մեքենաներ լվանալով էր գումար վաստակում։ 14 տարեկանում Քըրքը կիսատ թողեց ուսումը՝ նույնիսկ 8-րդ դասարանը չավարտած. ինչ իմաստ ունի սովորելը, եթե փող չունես բուհ ընդունվելու։ Դեռահաս Քըրքը փող էր վաստակում՝ ավտոմեխանիկի օգնական աշխատելով ու մեքենաներ լվանալով, և անընդհատ մտածում էր՝ ինչպես դուրս գալ աղքատության ճիրաններից։

16 տարեկանում նա նիհար տղա էր՝ 1,78 մ հասակով, 62 կգ քաշով։ Իր իրական տարիքին մի քանի տարի ավելացնելով՝ վաստակում էր ծառ կտրելով, շինարարությունում աշխատելով. չէր խորշում նույնիսկ ամենակեղտոտ ու ցածր վարձատրվող աշխատանքից՝ տուն փող բերելու համար։ «Հենց արևի տակ իմ տեղը գտնելու ձգտումն ինձ օգնեց դառնալ այն, ինչ դարձել եմ»,- հաստատում է ինքը՝ միլիարդատերը։

Այդ տարիքում նա սկսեց պրոֆեսիոնալ բռնցքամարտով զբաղվել՝ ավագ եղբոր գլխավորությամբ, ով պրոֆեսիոնալ բռնցքամարտիկ էր։ Դա Քըրքի համար փող աշխատելու իրական միջոց էր. ռինգում տարած հաղթանակը բարձր էր վճարվում։ Բռնցքամարտիկի կարիերայի մասին երազանքներին վիճակված չէր իրականանալ. նա թույլ հակառակորդ էր։

Պայքար՝ արևի տակ իր տեղի համար

Մինչև 18 տարեկանը Քըրքը սովորական տղա էր. նրան նայելով՝ ոչ ոք չէր էլ ենթադրի, որ միլիարդատեր է դառնալու։ Հիմա նա հետաքրքրվում էր ֆուտբոլով ու բասկետբոլով ու դեռ մտածում էր կյանքը կապել սպորտի հետ։

Մոտավորապես այս շրջանում Քըրքն իր առաջին քայլերն արեց բիզնեսում. նա աշխատում էր ավտոլվացման կետում։ Շարժիչները լվանալիս մտածում էր՝ ինչպես սեփական գործ հիմնել։ Շուտով նա սկսում է գնել ճանապարհատրանսպորտային պատահարների ենթարկված մեքենաներ ու վերանորոգել դրանք վաճառքի համար։ Այն դեպքում, երբ ավտոսպասարկման կետի սեփականատերը բավականին մեծ գումար էր աշխատում, ամեն վերանորոգված մեքենայից Քըրքը չնչին աշխատավարձ էր ստանում՝ 5-10 դոլար։ Այս ժամանակները Քըրքը ժպիտով է հիշում։

Հանդիպում, որ նրա կյանքը գլխիվայր շուռ տվեց

22 տարեկանում Քըրքը դեռ պատահական աշխատանքներով էր գլուխը պահում։ Մի օր էլ որպես աշակերտ սկսեց օգնել ջեռուցման սարքեր տեղադրող վարպետին։ Ծանր աշխատանքի համար ժամը 45 ցենտ էր վաստակում, բայց նա սրանով էլ էր գոհանում. մոտենում էր ձմեռը, պետք էր տաք հագուստ և ուտելիք գնել։

Մի օր վարպետը նրան օդակայան տարավ ու առաջարկեց թռչել։ Հետաքրքրասեր Քըրքը ուրախությամբ համաձայնեց։ Թռիչքից հետո նա հասկացավ՝ օդագնացությունն իր կյանքն է։ Բայց քանի որ ընտանիքը նրան ուսման տալու փող չուներ, նա համոզեց ինստրուկտորին իրեն թռչել սովորեցնել՝ փոխարենը խոստանալով խնամել նրա կովերին։

Բազային գիտելիքներ ստանալով՝ Քըրքն ընդունվեց ավիացիայի բարձրագույն դպրոց, որտեղ մասնագիտացավ որպես օդաչու-ինստրուկտոր։ Ստացած գիտելիքները նրան օգտակար եղան. Երկրորդ աշխարհամարտի տարիներին նա կանադական կործանիչները Շոտլանդիա էր հասցնում։ Վտանգը նրան չէր վախեցնում. կյանքում առաջին անգամ սկսել էր պատշաճ գումար վաստակել՝ 1000 դոլար թռիչքի համար՝ այն ժամանակ խոշոր գումար։ Հենց այս աշխատանքն օգնեց Քըրքին գումար հավաքել ու սկսել ուղին՝ դեպի վեր։

Քըրք Քըրքորյան. ճանապարհ դեպի վեր

Հիշելով ավտոմեքենաների վերավաճառքի իր հմտությունները՝ Քըրքը նույն գործով էր զբաղվում, ճիշտ է, այժմ նա ինքնաթիռներ էր վերավաճառում՝ կարգի բերելով դրանց հին տեխնիկան։ Այս դեպքում վարձատրությունն ավելի մեծ էր՝ 10 հազար դոլար յուրաքանչյուր վերանորոգված ինքնաթիռի դիմաց։

Զուգահեռաբար նա սեփական ինքնաթիռով թռիչքներ էր կազմակերպում։ Թռիչքներից մեկի ժամանակ էլ ծանոթանում է Ջերի Վիլյամսի հետ. նա Լաս Վեգասի խաղատներից մեկի այցելուներից էր և առաջարկեց Քըրքին միանալ իրեն։ Այսպես երիտասարդ Քըրքը դարձավ խաղատների մշտական այցելու և սուզվեց ազարտի ճահիճը։ Շուտով նա ստեղծում է իր հեղինակային ազարտային խաղը ու դառնում մեծ բիզնեսի ազդեցիկ ներկայացուցիչներից մեկը։

Բավականին մեծ կարողություն կուտակելով՝ Քըրքը դարձավ Ամերիկայի խոշորագույն ավիացիոն ընկերության համասեփականատերն ու Los Angeles Air մասնավոր ավիաուղիների սեփականատերը։

Նա սկսում է շահավետ պայմանագրեր կնքել համաշխարհային հայտնի ավիաընկերությունների հետ՝ Transinternational Airlines և Transamerika Corporation։ Ասում են՝ հենց այդ ժամանակ Քըրք Քըրքորյանն վաստակեց իր առաջին միլիոնը։

48 տարեկանում նա գնում է Transinternational Airlines ավիաընկերությունը և կատարում արժեթղթերի տեղաբաշխում։ Հետագա մի քանի տարիների ընթացքում արժեթղթերի գինը եռակի աճեց, և Քըրքը վաճառեց դրանք՝ վաստակելով ավելի քան 100 մլն դոլար ու ձեռք բերելով Transamerika Corporation-ի արժեթղթերի փաթեթը, որը գրեթե նույնքան արժեր։

Ի դեպ, Քըրք Քըրքորյանի նվիրական երազանքը վաղուց արդեն իրականացել էր. նա հեքիաթային հարստության տեր էր դարձել։

Դրանից հետո սկսվեց Քըրքորյանի լուսավոր ուղին։ Համաշխարհային վերլուծաբանները նրան միլիոնատեր էին ճանաչել, իսկ կինոարդյունաբերության կառուցման ու զարգացման մեջ նրա կատարած ներդրումները կայուն եկամուտ էին ապահովում։

Սեփական եսի փնտրտուքը

Քըրքն իր ողջ կյանքում ներդրումներ է կատարել տարբեր ոլորտներում՝ շինարարություն, ավիացիա, կինոստուդիաներ և այլն։ Արդյո՞ք այս ներդրումները մանրակրկիտ ծրագրված քայլեր են եղել, թե՞ նա պարզապես հոգեհարազատ զբաղմունք էր գտել։ Դժվար է պատասխանել, բայց հարկ է նշել՝ ինչ գործ էլ սկսում էր Քըրքը, նրան եկամուտ ու համաշխարհային ճանաչում էր բերում։

Այսպիսով, մասնավոր ավիաուղիները վաճառելով ու միլիոնատեր դառնալով՝ նա թողեց ավիաբիզնեսն ու սկսեց զբաղվել անշարժ գույքով։ 1968թ. նա Լաս Վեգասում կառուցեց «Ֆլամինգո Ինտերնեյշնլ» հյուրանոցն ու վաճառեց այն՝ վաստակելով 140 մլն դոլար։ Դրանից հետո նա մտավ կինոարդյունաբերություն՝ դառնալով «Մետրո Գոլդվին Մայեր»-ի տնօրեն, տարիներ անց նա հիմնում է United Artists, Columbia Pictures և 20 Century Fox կինոստուդիաները։

Քըրքորյանի կյանքի մյուս շրջանը բնութագրվում է որպես համատարած անկումների փուլ։ Նրա գլխավորած կինոստուդիան վնասներ էր կրում, Քըրքն էլ, մտածելով, որ կսնանկանա, վաճառեց Columbia Pictures-ը։ Ստացած գումարով նա ներդրում կատարեց խաղային բիզնեսում ու նորից չսխալվեց։ Արդեն առաջին տարվա ընթացքում դրանից սկսեց կայուն եկամուտ ստանալ։ Շուտով նա վաճառեց նաև United Artists-ը 1 մլդ դոլարով։

1991թ. Քըրք Քըրքորյանը նշեց իր 71-ամյակը։ Ինչպես նշում է ինքը՝ միլիարդատերը, հենց այդ շրջանից էլ սկսվում է իսկական վերելքը՝ չնայած նա արդեն միլիարդատեր էր, հյուրանոցների, խաղատների, ավիաուղիների ցանցերի սեփականատեր։ Բայց չէր պատրաստվում բավարարվել ձեռք բերածով։

Կա՛մ խաղային բիզնեսն այն եկամուտը չէր ապահովում, կա՛մ Քըրքորյանը կրկին հոգնել էր միօրինակությունից ու որոշել փոխել գործունեության ոլորտը։ Նա սկսում է ձեռք բերել Chrysler Corporation-ի արժեթղթեր։ Դրանց գնի բարձրացման արդյունքում նա ընդամենը մեկ օրվա ընթացքում վաստակեց ավելի քան 650 մլն դոլար։
Հաջողության գաղտնիքներ

Չնայած հասարակական ակտիվությանը՝ Քըրք Քըրքորյանը չի սիրում մամուլի հետ շփումներն ու հրաժարվում է հարցազրույցներից՝ պատճառաբանելով, որ իր գործերը խոսում են իր մասին։

Մինչ օրս ոչ մի հոգեբան չի համարձակվել բնութագրել նրան՝ չհաշված, իհարկե, առաջնորդի հատկանիշները։ Միլիարդատիրոջը բնորոշ բնավորության գծերը գաղտնի են։ Նույնիսկ երիտասարդ տարիքում Քըրքը հազվադեպ էր մասնակցում պաշտոնական և ոչ պաշտոնական միջոցառումների։ Նա հանգիստ բնավորություն ունի, խոսում է մեղմ ձայնով՝ ձայնը չբարձրացնելով նույնիսկ կրիտիկական պահերին։ Կրեդիտ քարտերից չի օգտվում, համացանցից նույնպես ու ամեն կերպ խուսափում է մարդկանցից։ Նույնիսկ անձնական ինքնաթիռով թռիչքներ կատարելիս չի օգտվում օդաչուի ծառայություններից։ Այն մարդիկ, ովքեր երբևէ շփվել են Քըրքի հետ, նրան համարում են հիվանդագին կոմպլեքսավորված, ինքնամփոփ ու տարօրինակ անձնավորություն։ Թե ինչպիսին է նա իրականում, գիտեն քչերը՝ նրա կանայք, աղջիկներն ու մի քանի ընկերներ, որոնց հետ ժամանակ առ ժամանակ թենիս է խաղում։

Նրան պետք չեն փառք և ճանաչում. միակ մարդը, ում երբևէ ցանկացել է իր նշանակությունը ցույց տալ, հենց ինքն է եղել։ Մի քանի անգամ մերժել է ՀՀ իշխանությունների առաջարկը՝ իր անունով Երևանում հրապարակ անվանակոչելու։ «Հայրենիքի համար» հուշամեդալը միակ պարգևն է, որ ընդունել է Հայաստանի իշխանություններից։

Իսկ ո՞րն է նրա հաջողության գաղտնիքը։ Ինչպես ինքն է ասում՝ վեցերորդ զգայարանը, որով առաջնորդվելով՝ քայլեր է անում, միջոցներ ներդնում ու շահույթ ստանում։ Երկրորդ գաղտնիքն այն է, որ ընկնելուց հետո կանգնելու ուժ է գտնում. այն ժամանակ, երբ մյուսները թևաթափ էին լինում, Քըրքը ստոյիկաբար էր դիմակայում անհաջողություններին։ Քանի անգամ է սնանկացման եզրին եղել ու ստիպված վաճառել անշարժ գույքն ու ինքնաթիռները՝ նոր նախագծում ներդրումներ կատարելու համար, ու արդյունքում այդ նախագիծը շահութաբեր էր լինում։ 1980թ.-ին, երբ Լաս Վեգասի՝ նրան պատկանող հյուրանոցը հրդեհվեց (85 զոհ), Քըրքը հասարակ բանվորների հետ ութ ամիս շարունակ մասնակցում էր վերակառուցման աշխատանքներին։ «Ամենագլխավորը երբեք չհուսահատվելն է, նաև պահեստային տարբերակ ունենալը այն դեպքերի համար, եթե գործերը հաջող չընթանան»,- խորհուրդ է տալիս Քըրք Քըրքորյանը։

Կամքի ուժ. ինչպես ղեկավարել սովորությունները

Hajoxak — Sun, 18 Oct 2015 12:44:52 GMT

Տասնվեց տարեկանում ես հայտնվեցի կոմայում: Այն քսան րոպեներից, երբ բժիշկները պայքարում էին կյանքիս համար, ես ոչինչ չեմ հիշում, ի տարբերություն հարազատներիս, ովքեր քսան րոպե սարսափ ապրեցին: Կոմայում հայտնվելու պատճառը խնջույքի ժամանակ ալկոհոլային խմիչքների չարաշահումն էր: Հաջորդ տարի դարձա ուսանող և ինչպես նոր կյանք մտած երիտասարդներից շատերը, ովքեր ազատության հուժկու ալիքի հարված են իրենց վրա զգում, ես նույնպես սկսեցի ծխել: Ուսանողական և դրան հաջորդող մի քանի տարիներն անցան նմանակերպ. ալկոհոլ, ծխախոտ, արագ սնունդ, ժամանց: Ուսանողական կյանքն ավարտելուն պես, երբ վերադարձա բանակից և սկսեցի աշխատել, ինձ թվում էր, որ ես արդեն հասուն, գիտակից մարդ եմ, ում համար նոր կյանք է սկսվում: Սխալվում էի: Ավելի ուշ հասկացա միայն, որ նույնիսկ այդ տարիները «գիտակից» համարել չէր կարելի, քանի որ այն, թե ինչպես էի ես ապրում և ինչով էի զբաղվում, թելադրում էր ոչ թե գիտակցությունս, այլ սովորություններս, որոնք ձևավորվել էին տարիների ընթացքում: Այդ սովորությունները ձևավորվել էին այն հասարակության մեջ և շնորհիվ, որում ես ապրում էի և որում ապրում ենք մենք բոլորս: Իմ սովորությունների հիմքում ընկած չէին իմ որոշումները. դրանք ինչ-որ մեկն ասես «գլխումս դրել էր»: Երբ հասկացա դա, սկսեցի ղեկավարել սովորություններս: Այժմ երեսունմեկ տարեկան եմ: Արդեն յոթ տարի է, ինչ ընդհանրապես չեմ ծխում և չեմ օգտագործում ալկոհոլ, չեմ դիտում հեռուստացույց և ոչնչից չեմ բողոքում: Եթե նախկինում չէի խմում թեյն առանց շաքարավազ, աղ օգտագործում էի գրեթե միշտ և մսակեր էի, այժմ չեմ օգտագործում շաքարավազ ու աղ և դարձել եմ բուսակեր: Չեմ խմում նաև գազավորված ըմպելիքներ, սուրճ, չեմ ուտում պաղպաղակ և հեշտությամբ կարող եմ հրաժարվել ցանկացած քաղցրավենիքից: Փոխարենը ուտում եմ շատ միրգ և բանջարեղեն և միշտ ձգտում եմ առողջ սնվել: Սկսել եմ պարբերաբար շատ քայլել, սպորտով զբաղվել, քնում եմ շուտ և արթնանում շուտ, ամեն օր գիրք եմ կարդում, վատ բաների մասին չեմ մտածում և ցուցակը դեռ կարող եմ երկար շարունակել: Ինձ մոտ ձևավորվել է սովորություն ղեկավարել սովորություններս: Դա ինձ մոտ հեշտությամբ է ստացվում: Երբ ես ինչ-որ բան եմ որոշում, որը պետք է չանել, ես դա չեմ անում: Եվ հակառակը, երբ նոր սովորություն է պետք ձեռք բերել, ես դա առանց լրացուցիչ ջանքերի ձեռք եմ բերում: Հավատացեք, այդ զգացման հետ ոչինչ չի կարող համեմատվել. երբ դու ղեկավարում ես քո սովորությունները: Իրականում, դուք նույնպես կարող եք ղեկավարել ձեր սովորությունները, բոլոր մարդիկ էլ կարող են դա: Եթե կարդում եք այս տողերը, հավանաբար դրա կարիքը դուք ունեք: Ես եղել եմ այնտեղ, որտեղ դուք հիմա եք, բայց կարողացել եմ դուրս գալ այդտեղից և կսովորեցնեմ ձեզ, թե ինչպես անել դա: Դուք հեշտությամբ կարող եք ազատվել ցանկացած սովորությունից և ձեռք բերել նոր սովորություններ: Այն, ինչը դրա համար անհրաժեշտ է, արդեն կա ձեր ներսում: Հետաքրքրե՞ց: Շարունակեք կարդալ: *** Հարգելի ընթերցող, սա հատված է իմ հաջորդ գրքից, որը լույս կտեսնի շուտով: Գիրքը մի բանի մասին է, ինչը կարող է ամբողջությամբ փոխել Ձեր կյանքի հունը. սովորությունները ղեկավարելու: Գրքի հրատարակման մասին տեղեկացված լինելու համար կարող եք բաժանորդագրվել` սեղմելով ներքևում գտնվող կոճակը: